秒決 印衫 用邊種印刷技術

印衫秘技 大檢閱

大家有冇發現,當你地準備好設計既時候,好多時都唔肯定應該用邊一種印衫技術先可以配合到你地嘅制服或者班衫、波衫設計?

首先,我地會用圖案係唔係實色這個指標嚟判斷你地既圖案設計係適合邊一種印刷技術。你可能會問,點樣既圖案先算係實色呢?答案好簡單,就係你嘅圖案顏色係唔係可以確實咁數到係幾多隻色,不過要留意,漸變色唔可以當係兩種顏色,因為係漸變嘅過程係有多到你用肉眼數唔到嘅色係入面。
 

實色的印衫技術
絲網印刷
絲網印刷既原理就為圖案入面既每一個顏色開一個絲印既網版,然後再掃番相應既絲印印漿係唔同既網版上面,從而印出一個多色既圖案。

刺繡/繡章
無論係普通既刺繡,繡章,貼布繡或者係其他既刺繡技術,如果要用到刺繡既話,我地會首先進跟據圖案設計進行打帶既程序,讀者們都可以將佢理解為好似絲網印既開網版。打完帶之後,我地會選番相對既線進行刺繡。當然,係印刷多於一種顏色既圖案係會用到唔同顏色既線。現時係市面上係唔會搵到漸變色既線,所以刺繡只係適用係實色既圖案上面。

非實色的印衫技術
燙畫/柯式燙畫
燙畫可以應用既圖案十分廣泛,首先將需要印刷既圖案打印落去一張燙畫紙,原理同用影印一樣。打印係燙畫紙上面既圖案係冇顏色上既限制,所以無論係單色或者多色,做法都係大同小異。印好圖案係燙畫紙之後,就可以直接將燙畫紙用熱燙機印在衫上,所以要印漸變色既圖案的話,大家都可以考慮用燙畫。

熱昇華
相信大家對熱昇華一啲都唔陌生;這技術好多時會用係運動衫或球衣上面。大家係街見到一啲成件花碌碌既波衫或者係件衫有一個好靚既漸變色底圖,都係用熱昇華印刷的。熱昇華既原理就係首先將衫既顏色、底圖,同埋需要印既圖案,都一次過印落去一個媒介上面,然後再將圖案印上布料上。印係衫上面既圖案,摸落去係唔會有特別既手感,但熱昇華既方法只可以用係聚脂纖維既運動布料上面,想印衫既朋友仔需要注意。

數碼打印
數碼打印就好像用彩色打印機列印圖案在紙章一樣。當係電腦製作好圖案之後,透過衣服印刷專用既數碼機,就可以將圖案直接打印係衫上面。用數碼打印印既衫摸上手會比較細緻,同時亦唔會影響到件衫既透氣功能。比較常應用係數碼打印既圖案有潑墨、水彩圖案等等。

絲印油墨
絲印油墨係絲印既其中一種,可用係印刷多色或漸變色圖案,但係用既漿同埋實際既做法都同一般既絲網印刷唔同。師傅先按照CMYK同埋白色來開版,然後再按照需要印刷既圖案黎做調整同埋印刷,出到黎既效果會好似數碼打印相約。這技術可以印刷漸變色既圖案同時唔影響衣服既手感同透氣程度,不過,絲印油墨有起訂量,一般最少100件起。

資料提供:heliosgroup.com.hk